Ertzaintzak eta Udaltzaingoak hiru pertsona atxilotu dituzte Tolosako (Gipuzkoa) txertaketa gunean, ordenagailu batzuk lapurtzen saiatzea egotzita. Goizaldean sartu dira Beotibar pilotalekura, eta ustez bertan zeuden zenbait ordenagailu ebatsi dituzte. Ertzaintzak azaldu duenez, atxilotuak txertaketa gunetik gertu aurkitu dituzte, eta denbora gutxian berreskuratu dute materiala. Ertzaintzak ez ditu xehetasun gehiago eman, gertatutakoa ikertzen ari baita.
Tolosako Udalak adierazi duenez, gune horretan ez da txertorik gordetzen, eta, beraz, txertaketak ez dira eten.
