Espainiako Auzitegi Konstituzionalak herri galdeketari ezarritako debekuaren aurrean,herritarrak mobilizazioetara deituko zituztela iragarrita zuten EAJk, EAk, EBk eta Aralarrek.Hala, pasa den irailaren 28an, Alderdi Egunean, Gernika eta Gasteiz era sinbolikoan lotzeko ekitaldia egingo zutela jakinarazi zuen Iñigo Urkullu EAJren EBBko presidenteak. Azken egunotan hirukoa osatzen duten alderdiek eta Aralarrek ekitaldi bateratu hori prestatzeko bilerak egin dituzte, eta atzo eguerdian Joseba Egibar (EAJ), Rafa Larreina (EA), Mikel Arana (EB) eta Aintzane Ezenarro (Aralar) Eusko Legebiltzarrean batzartu ziren ekimenari azken ukituak emateko.
Urriaren 25ekoekitaldi bateratuarekin Auzitegi Konstituzionalakherri galdeketa egitea galarazi izana salatu nahi dute alderdiek. Horretarako,hirukoak eta Aralarrek Euskal Herriaren erabakitzeko eskubidearen defentsan egingo diren elkarretaratzeetan parte hartzeko deia egin diete herritarrei. Zehazki, sei tokitan deitu dituzte galdeketaren aldeko bilkurak: Bizkaian, Gernikan-Lumon, Zornotzan, Durangon eta Urkiolan, eta Araban, Legution eta Gasteizen.
Hitza hitz leloa hartu duen ekitaldiaren bitartez, «subjektu politikoaren definizioa», Konstituzionalak debekatutako kontsultaren galderak, eta galdera horiei alderdiek proposatutako erantzunak irudikatu nahi dituzte lau alderdiek.
Hartarako,herritarrei deia egingo diete Euskal Herria, Bakea, Bai.Erabakia Bai esaldia eratu dezaten, aipatu herrietan egindako elkarretaratze bakoitzean hitz bat irudikatuta. Hala, Gernikan Euskal hitza eratuko dute herritarrek; Zornotzan Herria; Durangon Bakea; Urkiolan Bai erantzungo diote bakearen galderari; Legution Erabakia hitza irudikatuko dute; eta Gasteizen Bai batekin erantzungo diote erabakitzeko eskubideari. Kontzentrazio guztiak goizez egingo dira, eta ahalik eta herritar gehienek parte hartzea nahi dute.
Elkarretaratze horietan erabaki eskubidearen aldeko hitzak eratu ostean, Arabako hiriburuan egingo dute ekitaldi nagusia, Bai hitzaren inguruan, 13:00etan. EAJ, EA, Ezker Batua eta Aralarrekohautetsiak elkarretaratze batean bilduko dira, etalau alderdiek sinatutako adierazpen bat irakurriko dute jendaurrean. Ekitaldi hori amaituta,Europako zein nazioarteko foroetan aurkeztu asmo duten herri kontsultaren aldeko agiriaren sinadura bilketa egingo dute antolatzaileek Gernikan, Zornotzan, Durangon, Urkiolan, Legution eta Gasteizen.
Indarrak batzearen alde
Ezker Batuko zuzendaritzak, atzo onartutakoebazpen politikoan, begi onez hartu duEAJ, EA eta Aralarrekin bateraekitaldi bateratua antolatzea. Izan ere, Ezker Batuak uste du lau alderdiek batera lan egin dezaketela galdeketa eskubidearen alde, «euskal gizarteak ETAri ezetz eta elkarrizketa demokratikoari baietz esan diezaion». Alderdiaren irudiko,euskal gizarteak «eragile aktiboa»eta protagonista izan behar du bake eta normalizazio politikorako bidean. «Herritarrei eman behar diegu hitza, ETAri indarkeria behin betiko desagertu behar dela esateko eta PSOEren gobernuari askatasunez erabakitzeko eskubidea dugula adierazteko».
Bestalde, Aralarrek uste du ez dela bakoitza bere aldetik ibiltzeko unea, eta kontsultaren alde alderdi guztiak bat egindajardutearen alde agertu da.Jon Abril Aralarreko koordinatzaileordeak hauteskunde interesak baztertu eta kontsultaren debekuari«herri gisa» erantzun behar zaiola adierazi du.«Orain elkar hartuta jarduteko garaia da,gizartea batasuna eskatzen ari zaigu, eta alderdioi dagokigu hori eskaintzea». Erabaki eskubidearen defentsa «azken muturreraino» eramateko prest dago Aralar, baita Giza Eskubideen Estrasburgoko Auzitegira ere. Salaketatramiterako onartzea zaila izango dela aitortuta ere, bide hori jorratzearen alde egin du Aralarrek.
