Legegintzaldi honetan onartzen den bigarren legea da gaurkoa 2006ko Aurrekontuen Legearekin batera. Hirukoaren eta PSE-EEren babesa lortu du eta PPk, EHAK-k eta Aralarrek berriz kontra bozkatu dute. PPk eta EHAK-k osoko zuzenketak aurkeztu dituzte baina legebiltzarrak atzera bota ditu.
Zerga sistema horren bidez biltzen den diruarekin "kutsaduraren jatorriari aurre egiteko lanak eta ibaien ibilbideak iraunarazi eta mantentzeko lanak" ordainduko dira. Aipatu zerga sistema horri helegitea jarriko dio PPk Espainiako Auzitegi Konstituzionalaren aurrean.
Esther Larrañaga Ingurugiro sailburuak azpimarratu duenez, legeak "uraren kudeaketa integral berria" ahalbidetuko du eta "baliabidearen erabilera eta babesa bateratu egingo dira".
Uraren legea
Hirukoaren eta PSE-EEren botoekin onartu du Eusko Legebiltzarrak uraren legea
Eusko Jaurlaritzak Uraren Lege berria onartu du gaur Jaurlaritzako hirukoaren (EAJ, EA eta EB) eta PSE-EEren aldeko botoekin. Lege honek zerga sistema berri bat ezartzen du. Zerga hori egunean 130 litrotik gora kontsumitzen duten norbanakoek ordaindu beharko dute. Hala ere, oso gutxik ordaindu beharko dute zerga. Izan ere, Espainiako Estatistika Institutuaren arabera, Bizkaia, Gipuzkoa eta Araban batez beste 130 litro baino gutxiago kontsumitzen da.
Iruzkinak
Ez dago iruzkinik
Ordenatu
