Hitz gogorrak izan ditu ahotan Gregorio Ordoñez legebiltzarkide ohiaren arreba Consuelo Ordoñezek, haren omenaldian. Coviteko buruak "historia manipulatzea" egotzi dio Jaurlaritzari eta haren bake eta elkarbizitzarako egitasmoak salatu ditu. "Harrika hartzen dute gure arrazoia milioika euroko kostua duten bake eta bizikidetzarako egitasmoekin: "Izan ere, gure gizarteak ez du gerra bat bizi, terrorismoa baizik".
Polloen egin ditu adierazpenok Ordoñezek, PPko legebiltzarkidea hil zutenetik 21 urtera. Harekin batera omenaldian izan dira, besteak beste, Euskadiko PPko buru Alfonso Alonso, Donostiako alkate Eneko Goia eta Eusko Legebiltzarreko presidente Bakartxo Tejeria.
