Hogei urteko mutil gazte bat hil da bart goizaldean Erriberabeitian (Araba), argindar zutoin batean gora igotzen ari zela zortzi metroko altueratik erorita. Goizaldean izan da istripua, 04:40 inguruan, eta larrialdi zerbitzueako kideak iritsi direnean bizirik zegoen gaztea. Anbulantzian erietxera zeramatela, ordea, hil egin da. Istripuaren nondik norakoak ikertzen ari da Jaurlaritzako Herrizaingo Saila.
Erriberabeitian festetan daude atzodanik. Gaurko prestatuta zeuden egitarau ofizialeko ekitaldiak bertan behera uztea erabaki du udalbatzak.
