Zazpi orduko polizia operazioa amaitu ostean, agerraldia egin du Francois Hollande Frantziako presidenteak: "Ekintza hauek erakusten dute gerran gaudela. EIk armada bat, baliabide ekonomikoak eta Europan konplizeak ditu".
Hollandek nabarmendu du "herrialde osoari" egin diotela eraso "irudikatzen dituen balioengatik", eta gaineratu larrialdi egoerak "askatasunen behin-behineko muga batzuk justifikatu" egiten dituela.
Manifestazioak, debekatuak
Horrela gauzak, Laurent Fabius Frantziako Atzerri ministroak esan du azaroaren 29tik abenduaren 12a bitartean ez dituztela baimenduko manifestazio jendetsuak. Klimaren aldaketari buruzko goi bilera egun horietan izango da Parisen.
