Bost puntuko ituna sinatu dute eragile horiek, eta han diote beren eskualdean argi erakutsi dutela hondakinen %80 gaika bil daitezkeela. Han bezala beste edonon egin daitekeela iritzita, beren eredua Gipuzkoa osora ez ezik Euskal Herri osora ere zabaltzea proposatu dute. Beren lehentasuna “osasuna eta ingurumena” direla azpimarratu dute, eta argi azaldu dute hondakinen sailkapena norberaren etxean ondo egitea dela “elkartasun eta erantzukizun frogarik handiena”. Hala, “emaitzak etengabe hobetzeko konpromisoa” eskatu dute.
Eta beharrezkotzat jo dute, han egin bezala, "arduradun politikoek, gatazka egoera gaindituta, herritarrei mezu egoki eta bateratua bidaltzea". Europari begira, "erreferente" bilakatu nahi dute eskualdea.
