Astigarragako Udalak, Gipuzkoan, herritarrak zoriondu ditu, hondakinen bilketa selektbioan urrats garrantzitsua egin duelako. Atez ateko bilketa ezarri zuen udalak apiril hasieran. Ordura arte, hondakinen %30 baino gutxiago jasotzen zituzten bereizita. Atez atekoa jarriz geroztik, baina, bilketa selektiboa %85,5era iritsi da hilabete honetan:
Hondakinen kudeaketan Astigarragak "erroko aldaketa" eman duela adierazi du udalak. "Herritarrek aukera izan dute atez atekoaren inguruko beldurrak uxatzeko, eta egiaztatu dute sistema hau ez dela batzuek sinistarazi nahi izan diguten bezain negatiboa".
"Keinu txiki batek" aldaketa handiak ekarri dituela nabarmendu du udalak. Materia organikoa bereizita biltzea eta birziklatzea beharrezko izatea "gakoa" dela esan du, eta ziurtatu du materia organikoarentzat beste edukiontzi bat jartzea ez dela "eraginkorra".
Errauste plantarik ez eraikitzeko eta zero zabor bidean jartzeko Astigarragak bide egokia hartu duela ziur agertu dira udal ordezkariak.
