Etxerat elkarteak "udan ere" jarraituko du "sakabanaketaren mamuaren aurkako" protestan. Hala, hainbat hondartzatan elkarretaratzeak antolatuko dituzte abuztuaren 2an. Gipuzkoan Donostiako Kontxako hondartzan, Deban eta Orion egingo dituzte, eguerdiko hamabietan. Bizkaian, berriz, Lekeition eta Ondarroan hamabietan, Mundakan eta Ean ordubatean, eta arratsaldeko bostetan Plentzian.
Etxerat-ek lehiaketa bat antolatu du ireki berri duen Instagram kontua baliatuz. #DispertsioaStop traola erabiliz, "sakabanaketa politika salatzen duten oporretako irudiak" sare sozial horretara kargatzeko eskatu dute, eta boto gehien jasotakoen artean Etxerat-en kinke bat zozketatuko dute.
