Hondartzetan hildakoak

BIZKAIA

•Apirilak 2. Karraspio hondartzan, Mendexan, 41 urteko gizon bat hil zen. Ondoeza egin zitzaion surfean ari zenean.

•Ekainak 11. Bakioko hondartzan zendu zen 16 urteko neska bat. Bodyboardean ari zen, eta haren lagunak ohartu ziren falta zela. Hilotz agertu zen ondoren.

GIPUZKOA

•Maiatzak 23. 19 urteko Iruñeko gazte bat hil zen Zarauzko hondartzan. Lagun batzuekin joana zen eguna pasatzera. Astebetera agertu zen gorpua.

•Ekainak 9. 23 urteko gazte bat zendu zen Donostiako Zurriola hondartzan. Goizaldera sartu zen uretara, lagun batzuekin. Donostiara etorritako poloniar kuadrilla batekoa zen.

•Ekainak 26. Kongoko herritar baten hilotza aurkitu zuten herritar batzuek Donostiako Zurriola hondartzan, uretan.

•Abuztuak 1. 58 urteko gizon bat hil zen Ondarreta hondartzan, Donostian. Uretatik atera, eta ondoeza egin zitzaion.

•Abuztuak 4. Donostiako Kontxako hondartzan 13 urteko neska bat hil zen. Gabarroiaren inguruan desagertu zen, lagunekin igerian zebilela.

•Abuztuak 10. Mutrikun hil zen 43 urteko gizon bat. Inguruan ari zen lanean, eta bazkaltzeko orduan bainua hartzera joan zen.

LAPURDI

•Maiatzak 8. Bidarten 55 urteko gizon bat hil zen. Ondoeza egin zitzaion hondartzan.

•Abuztuak 4. Bidarten, Ilbaritz hondartzan, 61 urteko gizon bat ito zen. Baimendutako gunetik kanpo ari zen bainua hartzen.

•Abuztuak 4. Bidarteko Uhabia hondartzan 30 urteko gizon bat hil zen. Baimendu gabeko leku batean ari zen igerian, korronteek indar handia izaten duten inguru batean.