HZren esku dago hauteskundeetara aurkeztu edo ez, Egigurenen iritzian

Hauteskundeetara aurkezteko baimena ez dagoela ez Espainiako Gobernuaren, ez Fiskaltzaren eta ezta epaileen esku ere esan du Egigurenek. Aurkeztu nahi duenaren esku dago hori bere iritzian, gainera, bere esanetan "nahikoa da" indarkeria gaitzestea hauteskundeetan aurkezteko.

"Batasuna" hauteskundeetara ez aurkeztea, EAJri ondo etortzen zaiola eta "gaizkiena" beraiei datorkieta azpimarratu du Egigurenek, eta hala ere, "nahiago" dutela EAJri hauteskundeetan "mesede hori" egitea, "terrorismoaren kontra aritzeko".

Borroka giroko plana

Ibarretxeren plana borrokarako plana dela esan esan du, PPren Gobernu ohiari "ordagoa"botatzeko egina, hain zuzen ere. Orain, ordea, Espainiako Gobernuak "beste jarrera bat" duela, eta mementu honetan, plana " elkarrizketarako oztopo bat" besterik ez dela azpimarratu du. EAJk Ibarretxeren planari "lotuta" jarraizen badu elkarlana zaila izango dela dio.

Horregaitik, PSE-EEk nahiago du denen artean egindako estatutu erreforma bat. Izan ere, Ibarretxeren planaren arazoa "alderdi politiko batek beste bi alderdi txikirekin egindako plana" dela esan du, "euskadi erdia kontutan hartu gabe".

Gainera, ez du uste Jaurlaritzaren Estatutu Berrirako proposamena legegintzaldi honetan bozkatuko denik, lehendakariarentzat "txarra" delako plaza ez onartzea, eta "oraindik eta txarragoa" onartzea. Onartuko balitz SAren botuekin lortuko litzateke, eta hori "ez zaio komeni" EAJri Egigurenen iritzian. Hala, Ibarretxe planarekin zer egin jakin ezinda dabilela esan du, eta luzapenetan dabilela. Bere ustez, udazkenean izango dira hauteskundeak, Ibarretxek legebiltzarra desegin osatean.