Ian McKellen ere Txillida Leku Museoan izan da bisitan

Lehengo larunbatean Brad Pitt bezala, Ian McKellen aktore eta aurtengo Donostia Saria ere Txillida Leku Museoan (Hernani, Gipuzkoa) izan da gaur, bisitan. "Ahaztu ezinezko esperientzia izan da", adierazi du egonaldiaren ondoren McKellenek.

Goizean egon da Eduardo Txillida zenaren lanak ikusten, eta ordubeteko bisita egin du; "interes handiz" egin ere, berak aitortu duenez.

Donostia Saria jaso zuenean bezala, buruan euskal txapela zeukala izan da museoan.