2014an 2013an baino %5,23 delitu gutxiago salatu zituzten Araba, Bizkai eta Gipuzkoako fiskalek. Juan Kalparsoro EAEko fiskal nagusiak iazko memoria aurkeztu du. Azken urteetan behera egin du kopuru horrek. Kalparsororen arabera, iazko datuek joera hori berresten dute.
Gora egin duten delitu bakarrenetakoak administrazio publikoaren aurkakoak izan dira. Hain zuzen ere, %206ko igoera izan zuten. Adibidez, prebarikazio salaketak 17tik 29ra igo ziren. Funts publikoek bidegabeko erabilerari lotuta, berriz, 27 salaketa ipini ziren —hiru izan ziren 2013an—.
Erailketek ere gora egin dute, baina batez ere arduragabekeriek eragindakoek. Askatasun sexualaren aurkakoek, oro har, beherako joera izan dute, baina igo egin dira bortxaketak: hiru salaketatik bostera igaro ziren iaz.
