Iaz baino sei lagun gehiago hil dira Nafarroako errepideetan

IRUÑEA. 2011n urte osoan errepide istripuetan hil zirenak baino sei pertsona gehiago zendu dira aurten zortzi hilabetetan Nafarroan. Dagoeneko 34 pertsona hil dira errepide istripuetan, abuztura arteko datuen arabera; iaz, urte osoan, 28 lagun hil zirela azaldu du Nafarroako Gobernuak. Abuztuko datuak ere alderatu ditu: iaz, pertsona bakarra hil zen errepide istripuz; aurten, zazpi izan dira, adingabeak horietatik hiru.