Iazko soldata beherapena itzuliko dute Haurreskolek

ZARAUTZ. Isabel Zelaa Eusko Jaurlaritzako Hezkuntza sailburuak iragarri duenez, haur eskoletako beharginei iaz soldatan egindako beherapena Haurreskolak partzuergoak berak itzuliko die. EAEko Justizia Auzitegi Nagusiak martxoaren 4an ebatzi zuen beherapen hori ez zela zuzenbidezkoa. Hala, partzuergoak bere baliabideak «berrantolatuko» dituela dio Zelaak, ordainketak egin ahal izateko.