Ibai Peña preso gasteiztarra Espainiaratzea eskatuz Espainiako Auzitegi Nazionalak igorritako euroagindua onartu du Paueko Auzitegiak. Peña martxoaren 28an atxilotu zuen Frantziako Poliziak, Espainiako Auzitegi Nazionalaren euroagindu eskaera tarteko.
Seysseko presondegian (Frantzia) zegoen, eskaera aztertu bitartean. 2004an atxilotu zuten aurreneko aldiz, kale eraso bat egitea egotzirik. 2005ean berriro atzeman zuten, eta 2006an hirugarren aldiz atxilotu zuten kale erasoak egitea leporaturik. Bermea ordainarazita aske utzi zuten.
2007ko polizia operazioan ez zuten atxilotu, eta bere kabuz aurkeztu zen auzitegira; libre utzi zuten.
