Ibarretxe: "Identitatearen inguruko eztabaida behin eta berriz itzuliko da"

"Nondik datorren ez dakienak ez daki nora doan; jitoan doan intsasontzia da", adierazi du bart Juan Jose Ibarretxe Jaurlaritzako lehendakari ohiak Donostian, Gogaide emakume elkarteak antolatutako hitzaldian. Hain zuzen ere, XXI. mendeko eztaibada nagusia identitatearen ingurukoa dela azpimarratu du, eta batzuek debate horri izkin egin nahi dioten arren, behin eta berriro mahai gainean izango dela: "Behin eta berriz, behin eta berriz, itzuliko da eztabaida hori".

Ibarretxek iradoki du PSEri eta PPri kalte egiten diela debate horrek, eta, ondorioz, uko egin nahi diotela. Baina itxaropentsu agertu da "korronte intelektuala" eztaibada horren alde ikusten duelako. "Hemen herri bat dago, euskal herria, eta hori egunero esan behar da". Oro har, eta mundu osoa aintzat hartuta, garapen zuzena eskubideen onarpenetik etorriko dela irtizi dio: "Hori da aukera: boteretik eraikitzen jarraitzen den edo eskubideen bermetik. (...) Identitatea dago munduko garapen proiektu sano guztien oinarrian". Nortasunaren aitortzarekin batera, berrikuntza, berdintasuna eta parte-hartze demokratikoa dira Ibarretxeren iduriko aurrera egiteko ezinbesteko oinarriak.