Etxerat elkarteko ordezkariak Gasteizen izan dira gaur, Ajuria Enea aurrean, Juan Jose Ibarretxe Eusko Jaurlaritzaren lehendakariarekin bildu asmoz presoen berri emateko; eskatua zioten bilera. Ibarretxek ez ditu hartu, Lehendakaritzako idazkari Jesus Peñak baizik. Irati Aranzabal Iñaki de Juana presoaren neska-lagunarekin egon da. Etxeratek esan du berriro eskatuko diotela bilera lehendakariari.
Jaurlaritzak espetxe politikaren inguruan "jokabidea alda dezala" eskatu dute Etxeratekoek, presoen egoera "larria eta jasanezina" dela-eta. "Konpromiso eraginkorrak" hartzeko galdegin diote. "Manifestazioa egiten dugun bakoitzean Ertzaintza gu jotzera bidali beharrean, Jaurlaritzako kideek beraiek azaldu beharko lukete ekimenetara".
Presoak "oso bizi baldintza gogorretan" dituztela ohartarazi dute Etxeratekoek, eta haien senideek ere bizitza galtzeko arriskua izaten dutela sakabanaketa politikagatik.
Argazkian, Etxerateko kideak, gaur, Gasteizen. (Argazki Press)
Presoak
Ibarretxek ez ditu hartu Etxeratekoak, Lehendakaritzako idazkariak baizik
Eusko Jaurlaritzak kartzela politikaren inguruan "jokabidea alda dezala" eskatu du presoen senideen elkarteak. "Konpromiso eraginkorrak" hartzeko galdegin diote.
Iruzkinak
Ez dago iruzkinik
Ordenatu
