Ibilgailuen aztertzaileek grebara joko dute berriro

URNIETA. Ibilgailuen azterketa teknikoa egiten duten beharginek greba egingo dute datorren asteazkenean Irungo eta Urnietako (Gipuzkoa) egoitzetan. Lan baldintzak berritzea nahi dute. Zortzi orduko lanuztea egingo dute. Lan hitzarmena urtearekin batera amaitu zela jakinarazi du enpresa batzordeak, eta negoziaziorik ez dela hasi. Iaz urte erdiko greba egin zuten.