Esklerosi anizkoitza du Fernandez Iradik eta joan den otsailaren 12an, haren familia eta osasun arloko eragileek, preso politikoaren espetxe zigorra etetea galdetu zuten Baionan egindako agerraldi batean.
Lannemezango espetxean (Frantzia) dago preso. 2010ean, bere eritasunaren lehen sintomoak izan zituen eta iaz, eskloreosi aniskoitza atzeman zioten. “Hiru urte eta erdiz egunero bataila batean dago” salatu du Herrirak. Gaixotasun larria, sendaezina, eta kalte fisiko eta psikologikoak eragiten dizkie gaixoei. Gertutik segitu behar den eritasuna dela nabarmendu izan dute senide eta osasun arloko eragileek eta kartzela ez dela “leku egokia” gaineratu dute.
Otsailan, Baionan egindako agerraldian, Maritxu Paulus-Basurko abokatuaren bidez, Fernandez Iradiren espetxe zigorra eteteko eskaria egin zuten, espetxean egotea ez delako bateragarria eritasunaren tratamenduarekin. Joan den martxoan, osasun azterketa egitea eta zigorra etetea eskatu zion abokatuak epaileari. Azken honek, otsailean igorri zituen bi sendagile Fernandez Iradiren osasun egoera aztertzera.
Eritasun honen kari Ibonek galdegin du bere zigorra suspenditzera eta askatua izaitea kondizio batzuekin. Eskaera orain dela urte bat egina izan da eta “azkenean” maiatzaren 12an iraganen da Fernandez Iradiren zigor suspentsioaren auzia eta Zigorrak betearazten dituen epaileak, ebazpena eman beharko du. Zigorra eteteak ez luke suposatuko libre gelditzea baizik eta baldintzapean karrikan uztea. Kasu hori beteko balitz, presoak hainbat baldintza bete beharko ditu, hala nola, sei hilabetero berretsi beharko litzateke zigorraren etena eta eskumuturrekoa eraman beharko luke besteak beste. Herrirak, Fernandez Iradiren zigor suspentsioa “onartua” izan dadila eskatzen du.
Herrirak, Euskal Herriak bake biderako hartu duen bidea gogoratu du eta bertan presoen gaial “zentraltasun osoa” duela azpimarratu du. Prozesu honen baitan, estatuek presoen gaien inguruan “pausuak egin” behar dutela nabarmendu du eta “eri diren presoak aske” geratu behar direla aldarrikatzen du. Egun, Frantziar estatuan larriki den preso bakarra da Fernandez Iradi, hori horrela preso eta iheslarien aldeko taldeak, eskaera zehatz bat egiten dio Frantses gobernuari eta Ibon Fernandez Iradi “ahal bezain fite” askatzea galdetzen dute.
Gaur egun, Osasun arloko 97 eragilek bat egin dutela zigorra eteteko eskariarekin baita 2200 herritarrek ere. Preseski, gizarte osoari dei egin dioten, gisa bereko petizioa izentzera deituz.
