Iazko urrian, 36 akusaturekin hasi zen Espainiako Auzitegi Nazionalean berrogei gazteren aurka hastekoa zen epaiketa. Idoya Iragorrik, Goizane Pinedok, Unai Pou Ruizek eta Irati Mujikak jakinarazi zuten ez zirela beren kabuz epaiketara joango, eta ezkutatu egin ziren.
Horietako hiru atxilotu eta espetxeratu dituzte jada: Pinedo eta Ruiz larunbatean atxiki zituen Ertzaintzak, mobilizazio jendetsu baten ondoren etxe bateko leihoan kateatu eta gero. Mujika urtarrilaren 9an atxilotu zuten, Aramaion, kaleko jantzitako Espainiako poliziek. Iragorrik gordeta jarraitzen du.
Sestaokoa da Iragorri, eta haren senide zein lagunek, harekiko eta beste hiru atxilotuekiko elkartasuna adierazteko, Desobedientzia Eguna antolatu dute larunbaterako. Kasko plazan dira elkartzekoak, 12:00etan, eta bertaratzeko eskatu diete Bizkaiko Ezkerraldeko herritarrei.
Euskal Herria
Idoya Iragorriren senide eta lagunek Desobedientzia Eguna antolatu dute larunbaterako Sestaon
Gordeta dago gaztea, Segi-ko kide izatea egotzita Auzitegi Nazionalean egiten ari diren epaiketara ez aurkeztea erabaki zuenetik.
Iruzkinak
Ez dago iruzkinik
Ordenatu
