Arabako Murgia herrian egingo dute festra, eta aurtengo jaiaren leloa ‘Haziak indartu’ da. Honakoa adierazi dute antolatzaileek: "Pertsona askoren adoreari esker, Europan erreferente den eskola publikoa dago".
Alberto Santos, Murgiako Virgen de Oro ikastetxeko gurasoak azaldu duenez, antolatutako ekitaldi guztiak euskaraz izango dira, hizkuntza «kalera» ateratzeko beharrari erantzunez. Bezperatik hasiko dira ekitaldiak. Izan ere, larunbatean bisita gidatuak egingo dituzte. Igandean denetarik izango da Murgian: Antzerkia, batukadak, Pirritx eta Porrotx pailazoak, Astalapo eta Betagarri taldeen kontzertuak, artisautza postuak, grafitti tailerrak...
Denon Eskolako lehendakari Carlos Lopezek hezkuntza komunitateari dei egin dio, "Murgiara joanez kalitatezko euskal eskola publiko bat babes dezan".
