Urte eta erdirako gidabaimena kentzera eta 2.100 euroko isuna ordaintzera zigortu dute Ignacio Polo Iruñeko Hiri Segurtasuneko zinegotzi ohia. UPNko zinegotziak 2014ko udaberrian dimititu zuen, alkohola edanda zihoala gidatzen harrapatu eta gero.
Epaileak, fiskalak eta akusazio partikularrak eskatutako zigorra baino txikiagoa ezarri dio Polori. Hurrenez hurren, gidabaimena bi urterako eta hiru urterako kentzea eskatzen zuten. Isun handiagoa ordaintzea ere eskatzen zuten, eta Kontuz elkarteak hamar hilabeteko espetxe zigorra eskatu zuen.
