Ikastetxe berria Aretxabaletan

Arizmendi Ikastolaren sareak gune berri bat zabaldu zuen atzo, Aretxabaletan (Gipuzkoa): Basabeazpi. Bertan bi eta sei urte bitarteko haurrak eskolatuko dituzte. 1,6 milioi euro inbertitu dituzte bi solairuko eraikinean. Besteak beste, honako zerbitzuak eskainiko ditu: sukaldea, jangela, psikomotrizitate gela, irakurketa suspertzeko eta informazioaren tratamenduan lehen urratsak egiteko zentroa, gurasoen eskoletarako txokoa... Basabeazpik sei langile izango ditu.