Ikea Suediako altzari denda katearen Espainiako Estatuko atalak 2009rako katalogo orokorra euskaraz ere plazaratu du. Interneten ere euskaraz irakur daiteke eskaintza. Gaztelania, katalana eta ingelesa ere erabili ditu. Euskal Herrian, Barakaldon (Bizkaia) dauka egoitza.
Katalogo orokorrak 372 orrialde dauzka. Enpresak bestelako ale berezituak ere plazaratzen ditu, baina horiek ez daude oraindik euskaraz.
Ikeak 2005eko martxoan ireki zuen denda Barakaldon, eta orduan euskalgintzak kritikak egin zizkion, saltokian euskararen presentzia "anekdotikoa" zelako. Pixkanaka euskararen erabilera areagotzen joan da. Esaterako, iaz Donostiako autobus geltokietako markesinetan publizitate iragarkiak euskaraz baino ez zituen jarri.
Euskara
Ikearen katalogo berria, euskaraz ere bai
2005ean Barakaldon denda ireki zuenean, euskararen presentzia "anekdotikoa" izan zen.
Iruzkinak
Ez dago iruzkinik
Ordenatu
