Sudouest kazetak jakinarazi duenez, hildako emakumeak 30 urte zituen, eta Lehuntzen bizi zen (Lapurdi). Larunbatetik iganderako gauean atzeman zuten Gixunen (Lapurdi), 1:00ak aldera, zuhaitz baten aurka jota istripua izandako auto baten barnean. Baionako ospitalera eraman zuten, baina istripuak eragindako kolpeengatik hil zen berehala. Haren bikotekidearen aitarena zen autoa.
Istripu horretatik bost kilometro ingurura gertaturiko bertze istripu batek sortu dio prokuradoreari ikertzeko nahia. Izan ere, bertze auto batek istripua izan zuela ikusi zuten Ahurtin (Lapurdi), baina ibilgailuaren barnean ez zegoen inor. Hildako emakumearena zen auto hori.
Igandean 19:00ak aldera joan zen polizia hildako emaztearen bikotekidea atxilotzera. 26 urte ditu gizonezkoak, eta Lehuntzen bizi da. Baionako prokuradoreak atxiloaldia luzatzea erabaki zuen atzo, ikertzen jarraitu ahal izateko, eta ikerketa judiziala zabaltzea ireki du gaur.
