Ikertzen ari dira Gurutzetako ospitalean 1963an ustez ostutako ume baten kasua

BARAKALDO. Bizkaiko Fiskaltzak ikerketa abiarazi du, 1963an Gurutzetako ospitalean haur bat lapurtu ote zuten argitzeko. Ustez desagertutako umearen familia Palentzian (Espainia) bizi da, eta hango Fiskaltzak igorri ditu izapideak kasua ikertzeko. Gurasoei ez zieten jakinarazi non hilobiratu zuten umea, eta ez zuten dokumenturik lortu.