Ezker abertzaleak ikurrinaren eta independentziaren aldeko manifestazioa egingo du Bilboko Aste Nagusiko egun nagusian, hilaren 21ean. 12:00etan abiatuko da martxa Moiua plazatik, Independentziaren Bidean, aldaketa polítiko eta soziala lelopean.
Gaur goizean prentsaurrekoa egin dute deialdiaren berri emateko. Bertan, Euskal Herria "blokeo egoeran" dagoela adierazi dute eta "Espainiako eta Frantziako gobernuak gatazka luzatzeko asmoa dutela" salatu. Izan ere, ezker abertzalearen ustez, Espainiako eta Frantziako Gobernuari ezker abertzalearen "proiektuak eta horrek izan dezakeen herritarren babesak" ematen die "beldurra".
Beste kasu batzuetan gertatu den moduan, oraingoan ez dute espero ezker abertzaleak deitutako martxa debekatzea, Espainiako bandera jartzearen aurka egin dituzten martxetan ez dela istilurik egon argudiatuta. Hori dela eta, "martxa debekatuko balute beste behin eskubide demokratikoak urratuko dituzte", adierazi dute manifestazioaren antolatzaileek.
Politika
Ikurrinaren eta independentziaren aldeko manifestazioa egingo du ezker abertzaleak Bilboko Aste Nagusian
Abuztuaren 21ean 12:00etan abiatuko da martxa Moiua plazatik.
Iruzkinak
Ez dago iruzkinik
Ordenatu
