Aste Santuko jai egunak baliatuta, asko dira egunotan autoa hartzen dutenak, ondorioz, ohiko bilakatu dira auto pilaketak errepideetan. Gaur eguerdian zazpi kilometro arteko auto ilarak sortu dira AP-8an Biriatun, Baionarako bidean. Pilaketak murrizte aldera trafikoa GI-636 errepidetik desbideratzen ari dira.
Handia da trafikoa Armiñon aldera ere. Han, A-1 eta AP-1 errepideen arteko lotunean, sei kilometro inguruko ilarak sortu dira.
