Irudi asko utzi ohi dituzte inauteriek, eta horietako onenak bildu nahi ditu BERRIAk. Argazki lehiaketa bat antolatu du, eta onenak sarituko dira.
Diapositibak, papereko argazkiak eta argazki digitalak onartzen dira. Argazki digitalek bete beharreko baldintzak dira gutxienez 1.800x1.200 pixel eta jpg formatua izatea. Lanak martxoaren 9a baino lehen bidali beharko dira, posta arruntez (BERRIA egunkaria, Martin Ugalde kultur parkea z/g, 20240 Andoain, Gipuzkoa) edo elektronikoz ([email protected]), parte hartzaileen izen-abizenekin, helbide batekin eta harremanetarako telefono batekin.
Hiru sari banatuko dituzte: Dolarea hotelean bi lagunentzako gaua, gosaria eta afaria; Xarma jatetxean bi lagunentzako bazkaria edo afaria; eta La Perla talasoterapian bi lagunentzako zirkuitua.
