Indarkeria betiko uzteko eskatu dio Ibarretxek ETAri

Bake bidean aurrera egiteko "une zaila" bizi dela onartu eta kezkatuta agertu da Juan Jose Ibarretxe Jaurlaritzako lehendakaria. Besteak beste, ETA komandoak berrosatzen ari dela jakiteak eragin dio kezka hori Ibarretxeri, berriro "iraganeko garaiak" itzultzeko arriskua ikusten duelako. Balmasedanegin ditu adierazpen horiek, Aste Santuko prozesioa ikusten han izan baita.

Nolanahi ere, "atzera bueltarik" izan ez dadin lanean jarraituko duela agindu du, lehendakari gisa bere egitekoa hori dela iritzita. Ildo horretatik,ETAri indarkeria betiko uzteko eskatu dio. "Oinarrizkoa da ETAk argiesatea indarkeria amaitu dela. Baina benetan kezkatuta ikusten ari gara ETA komandoak berrosatzen ari dela, indarkeria betiko amaitu dela esan ordez. Komandoak berrosatzen ari da, eta ez dugu nahi halakorik, baizik eta hori erabat eta betiko amaitu dela esatea".

Batasunak hurrengo hauteuskeendetan parte hartzeari dagokionez, aukera politiko guztien parte-hartzeko eskubidea defendatu du, baina Batasunari ohartarazi dio politika egiteko duen traba handiena ez dela Alderdien Legea ETA baizik.

Ibarretxek oroitarazi du Barajasko atentatuaren ondoren Batasunak berak eskatu ziola ETAri jardun armatuarekin ez jarraitzeko, eta eskari hori erantzunik gabe geratu dela azpimarratu du.