Prentsaurrekoa eman dute gaur Donostian, Independentistak ekimeneko kideek. Txutxi Ariznabarretaren hitzetan, "desobedientzia keinu kolektiboa" egitera deitu nahi dituzte independentista guztiak: "urriaren 12a, herrien independentziaren egun moduan aldarrikatu nahi dugu Euskal Herrian eta Iruñean, etorkizuneko euskal estatuaren hiriburuan egingo den martxa berde erraldoian".
Zentzu berean, euskal independentismoari bultzada "sakona" eman nahian, eztabaida eta mobilizazio mailan "jauzi berriak" egin nahi dituzte, azaroan egingo duten nazio konferentziari begira.
Hagako ebazpenaren garrantzia
Prentsaurrean, Hagako ebazpenak indepedentistentzat "oso garrantzia handia" duela ere jakinarazi dute, "era tinkoan babesten duelako ikuspegi demokratikotik oinarrizkoa den eskubidea". Eta erantsi dute, ebazpenak "independentziaren proiektu politikoa zilegi" egiten duela.
Politika
"Independentzia keinu kolektiboa" egitera deitu du Independentistak sareak, urriaren 12rako Iruñean
Euskal independentismoari bultzada "sakona" eman nahian, eztabaida eta mobilizazio mailan "jauzi berriak" egin nahi ditu, azaroan egingo duten nazio konferentziari begira.
Iruzkinak
Ez dago iruzkinik
Ordenatu
