Seaskak lemazain aldaketa irudikatu du gaur goizean Kanbon (Lapurdi), urteko batzar nagusian. Paxkal Indok, orain arteko Ipar Euskal Herriko Ikastolen Elkarteko presidenteak, Peio Jorajuriari makila eman dio. Duela 11 urte hartu zuen kargua Indok, 2008an, eta Jorajuria presidente berriak Seaskaren urteko batzar nagusia baliatu du bere aurrekoari esker ona adierazteko, urteetan egindako lanagatik.
Kargua utzi ondoren Indok Euskal Herriko Garapen Kontseiluko presidente kargua hartu du. Hala erabaki zen atzo egindako bozketan, eta Garapen Kontseiluak ofizialki ezagutarazi du izendapena. Aurrez, hainbat urtez izan da Indo Garapen kontseiluko presidenteordea.
