Intza Oxandabaratz behin-behineko askatasunean aterako da datozen orduetan. Abenduan atxilotu zuten, Donibane Garazin, Julen Mujikarekin batera. 2009ko abuztuan Herault departamenduan aurkitutako ETAren zulo batekin lotura izatea egotzi zieten. Oxandabaratz haurdun dago, eta apirilean edukiko du haurra.
Igarki Robles preso gasteiztarra ere libre geratzekoa zen atzo, ezarri dioten 30.000 euroko bermea ordainduta. 2010eko urriaren amaieran atxilotu zuten Robles, gazte independentisten aurka eginiko polizia operazio zabal batean. Guztira, hamalau gazte atxilotu zituzten operazio horretan.
Intza Oxandabaratz eta Igarki Robles aske geratuko dira
Iruzkinak
Ez dago iruzkinik
Ordenatu
