Eusko Jaurlaritzak jakinarazi du hilaren 25ean batzartuko direla Iñigo Urkullu Eusko Jaurlaritzako lehendakaria eta Uxue Barkos Nafarroako Gobernuko presidentea. Hegoaldeko bi gobernuburuen arteko aurreneko bilera izango da.
Abuztuaz geroztik ari ziren Barkos eta Urkullu agendak bateratu nahian, uztailean Barkosek gobernuko presidente kargua hartu ostean. Urkulluk bi gobernuen arteko lankidetza "aberastea" du helburu; Barkosek, berriz, nabarmendu du batzar "instituzional" horren helburua harreman "normalizatu eta estua" sustatzea dela.
