Irailaren 29an egingo dute politika orokorreko saioa

Patxi Lopez EAEko lehendakariak datozen asteetako agendan bi data nagusi ditu. Alde batetik, irailaren 29a. Egun horretan, politika orokorrarengaineko osoko bilkura egingo dute Eusko Legebiltzarrean, eta bilkura hori baliatuko du Lopezek Bake plana aurkezteko. Bigarrena, berriz, urriaren 13tik 21era. Izan ere, egun horietan AEBetako Ekialdeko Kostara bidaia ofiziala egingo dute Lopezek eta EAEko enpresa nagusietako enpresaburuek. Bidaia horren bidez, EAEko enpresen eta Ekialdeko Kostako enpresen arteko harremana indartu nahi dute. Horrez gain, EAEren irudia ezagutarazten saiatuko dira turismoaren eta sukaldaritzako erakargarritasunaren berri emanez.