Errekaldeko (Bilbo) Kukutza III gaztetxea itxi zenetik lau urte betetzear direla, irailaren 14 eta 16an epaituko dituzte eraitsi zen egunean atxilotutako hemeretzi lagunak. Guztiei desordena publikoa leporatu diete.
Hemezortzi eta 30 urte arteko espetxe zigorrak eskatu ditu Fiskaltzak. Era berean, euretako biri erresistentzia ere egozten diete; hau da, zortzi hilabete gehiagoko zigorra. "Eskakizun hauek oso larritzat ditugu, Kukutzarekiko elkartasunez Errekaldera gerturatze hutsagatik kartzelaratzeko atarian utzi baititu auzipetuak", oharatazi dute, gaur goizean Errekaldeko plazan egindako agerraldian.
Uda osoan epaituen aldeko mezua kalean izan nahi dute. Horregatik, elkartasun kanpaina bat abiatuko dute gaurtik aurrera. Era berean, epaiketaren aurreko larunbaterako, irailaren 12rako, Elkartasun Eguna antolatuko dute.
Aurreko epaia
Kukutza eraitsi osteko protestaldietan parte hartzeaz akusatuta, gazte hauen aurretik beste 23 gazte epaitu zituzten, usurpazioa leporatuta. Gazteak absolbitu egin zituzten usurpazioaz, baina orain Fiskaltzak helegitea aurkeztu du. Gazteetako bati epaiak hiru urte eta egun bateko kartzela zigorra ekarri zion.
