Auzitegi Nazionalak auzipetu du Sienra, baina ostiralean Bilbon deklaratu beharko du. Gazte Danbadaren hasiera ekitaldian Xabier Lopez Peña euskal presoaren heriotzaren inguruan esandakoengatik leporatzen diote terrorismoa goratzea.
Argudio berberagatik itxi zuen Auzitegi Nazionalak berak Ernai gazte erakundearen webgunea. Orduko horretan Mikel Button auzipetu zuten, delitu bera leporatuta. Sienrak eta Buttonek irakurleen galderak erantzun zituzten orain dela aste batzuk BERRIA.INFOren elkarrizketa digitalean.
