Iribasek dio eskolako liburuak doan ez ematea justua dela

Eskolako liburuak dohainik ematea baino bidezkoagoa da beharra daukatenei liburuak erosteagatik laguntzak ematea. Arrazoibide hori eman du Jose Iribas Nafarroako Hezkuntza kontseilariak liburuak doan emateko programa eten izana justifikatzeko. Murrizketa giroan hartutako neurria da, baina Iribasek nabarmendu du «behar gehien daukatenei» laguntzeko bidea emango duela diru laguntzen sistemak. Azaldu du doako sistemak eskolako liburuetan bakarrik zeukala eragina; diru laguntzak, berriz, liburuetarako ez ezik bestelako materialetarako ere emango dituzte. «Errenta bat edo beste izan, material horiek familiek pagatu dituzte orain arte». Hori aldatuko dela iragarri du.