IRUDIA. BILBO. aste nagusian ere AHT-ren aurka

AHT Abiadura Handiko Trenaren aurkako aldarria ozen entzun zen atzo arratsaldean, Bilboko Arriaga antzokiaren aurrean. Aste Nagusian parte hartzen ari direnek tartea eskaini zioten protestari, AHT Gelditu! Elkarlanak deituta. Dozenaka herritar eta konpartsero bildu zen Stop TAV. Inposiziorik ez! lelopean. Besteak beste, egitasmoaren arduradunek Bilboko Abandoko geltokian hirigintza espekulazioa bultzatzen ari direla salatu zuten.