Urteroko senidetze ekitaldia egin dute gaur Iruñeko eta Baionako udalek. Aurtengoa pixka bat berezia izan da, ordea, senidetzearen 50. urtea dutelako. Yolanda Barcina Iruñeko alkatea eta Jean Grenet Baionako auzapeza izan dira udaletxeko agerraldiko buruak -argazkian ekitaldiko une bat-.
Harreraren ondotik, Erraldoien eta Buruhandien Konpartsak dantzatu egin du Udaletxe plazan.
Grenetek adierazi du Iruñeko sanferminak "inspirazio iturri" izan direla Baionako festentzat -1932an sortu ziren hauek-, eta euren jaietako jantziak jarri ditu adibide gisa, kolore zuri-gorria dutelako.
1960ko ekainaren 19an sinatu zuten akordioa bi udalek. Iruña 1980tik Yamaguchirekin (Japonia), 1992tik Padernbornekin (Alemania) eta 2001etik Pamplonarekin (Kolonbia) ere senidetuta dago.
Iruñea eta Baiona 50 urtez senidetuta
Ekitaldia egin dute udaletxean, Yolanda Barcina eta Jean Grenet alkateak buru zirela.
Iruzkinak
Ez dago iruzkinik
Ordenatu
