Iruñeko Puyko Andre Maria kaleko etxebizitza batean sutea izan da bart, eta bi adingabe ospitalera eraman behar izan dituzte, kea arnastuta. Nafarroako Gobernuak jakinarazi duenez, eraikineko hainbat bizilagun etxetik atera behar izan dituzte. Dagoeneko etxean dira.
Atzo, 23:55ak aldera, bizilagunek 112 larrialdi zerbitzuetara deitu zuten, beheko pisuetatik kea zeriola ikusita. Suhiltzaileak bertaratu egin ziren, eta gobernutik adierazi dutenez, sua segituan izan zuten kontrolpean. Dena den, etxebizitzako egongela kiskalita geratu da.
Foruzaingoa eta Udaltzaingoa sutearen nondik norakoak ikertzen ari dira.
