LAB sindikatuak izan ezik, TCC enpresako langile batzordearen gehiengoak ontzat jo du Iruñerriko autobusen auzia konpontzeko akordiorako oinarria. Enpresak dagoeneko babestu du akordio hori. Iruñerriko Mankomunitateko ordezkariekin atzo izandako bileraren ostean, akordioaren oinarriari baiezkoa eman zioten atzo langileen ordezkari gehienek.
Gaur gauean ezagutuko dute akordio horren edukia langileek, 23:00etan egingo duten batzarrean. Langileei adostasunaren xehetasunak azaldu arte horiek ez ezagutaraztea adostu zuten atzoko bilkuran.
Beste lan hitzarmen bat eskatzeko ari dira langileak protestan, eta abenduaren 16az geroztik daude greban.
