Iruñerriko zazpi gazte epaituko dituzte gaur kale erasoetan parte hartzea leporatuta

2008ko abuztutik urrira bitartean egindako zenbait sarekadetan atxilotutako zazpi gazte epaituko dituzte gaur Espainiako Auzitegi Nazionalean. Guztiak Iruñerrikoak dira, eta kale eraso batean parte hartzea leporatzen diete AAM Amnistiaren Aldeko Mugimenduak agertu duenez.

Iturri horren arabera, zazpi gazte horiek torturak jasan zituzten Espainiako Poliziaren eta Guardia Zibilaren esku inkomunikatuta izan zituzten bitartean, eta tratu txar horien pean egindako deklarazioak erabiliko dituzte epaiketan beren kontra.

Era berean, AAMk salatu du kale erasoan parte hartzeagatik 12 urteko espetxea eskatzen duela Fiskaltzak gazte horietako bakoitzarentzat, eta Nagore Laffafen kasuan, berriz, Jose Diego Yllanes hiltzaileari 10 urteko espetxea ezarri diotela.