Igandeko entzierroaren ostean gertatu zen erasoa, Estafeta kalean: gizonezko batek bortizki jo zuen beste bat buruan, eta, ondorioz, konorterik gabe gelditu zen, lurrean etzanda. Anbulantzian eraman behar izan zuten Nafarroako Ospitale Gunera.
41 urteko Iruñeko bizilaguna da erasotua; atzo, premiaz egin zioten ebakuntza buruko odol isuria sendatzeko, eta oso larri dago. Erasotzailea, berriz, 24 urteko estatubatuarra da, eta udaltzainek atxilotu zuten erasoa gertatu zen lekuan bertan; laster utziko dute epailearen esku; bitartean, gertatua argitzeko ikerketa abiatu dute.
