Ertzaintzaren arabera, gaur 10:20an ETAren izenean hitz egiten zuen lagun batek Irun eta Zumarraga arteko (Gipuzkoa) Renferen tren sarean hiru bonba daudela ohartarazi du eta, abisuaren ondotik, 11:45ean Irun eta Zumarraga arteko trenbidea eten egin dute. Hala ere, dagoeneko bi herrien arteko bidea ireki dute, lehergailurik aurkitu ez dutelako. 13:00etan Irun eta Donostia arteko bidea ireki dute, eta 13:45ean, berriz, Donostia eta Tolosa artekoa, eta 15:00ak inguruan Tolosa eta Zumarraga bitartekoa.
Deitzaileak ez du zehaztu zein puntutan leudekeen lehergailuak, ezta zein ordutan lehertzekoak liratekeen ere; beraz, tarte horietako trenbide sarea miatzen aritu da Ertzaintza.
Tolosako San Frantzisko kalea itxi dute bonba abisuagatik
Tolosan (Gipuzkoa) San Frantzisko ibiltokiko gune bat itxi dute gaur goizean, bonba abisua dela-eta. Ertzaintzaren arabera, 10:45 inguruan dei baten bitartez Renfeko geltokirako bidean kokatuta dagoen telefono kabinan bonba dagoela ohartarazi dute eta, ondorioz, inguruko dendak itxi dituzte.
politika
Irun eta Zumarraga arteko tren sarea ireki dute, lehergailurik aurkitu ez dutelako
Ustez ETAk egindako bonba abisuagatik itxi dute trenbidea, lagun batek 10:20ean hiru lehergailu daudela ohartarazi ostean.
Iruzkinak
Ez dago iruzkinik
Ordenatu
