Zatiketa gainditzeko irtenbide baten alde daude Irungo herritarren %72. Datu hori eman du Eusko Jaurlaritzaren Bakegintza eta Bizikidetzarako Idazkaritza Nagusiak bultzatuta Irunen Alardeari buruz egin duten azterketak. Irtenbide hori bilatzearen aldekoen artean, batik bat, gazteak, alaba txikiak dituzten gurasoak eta alarde mistoaren aldeko herritarrak daude.
Irtenbide horien bila, aldeen arteko elkarrizketaren alde leudeke %63. Herritarren %57k, berriz, herritarren parte-hartze prozesu bat bultzatuko lukete.
Izan ere, gaur egungo egoerarekin, hau da, bi alardeekin, herritarren %15 soilik daude konforme; %48k soilik alarde mistoa egitea nahi dute; %22k, ordea, alarde mistoa nahiago dute.
