Irunen izan diren leherketetan amonala erabili dutela jakinarazi du Herrizaingo Sailak

Gaur goizean leherketa bat izan da Irungo elektrizitate dorre batean. Instalazioetan sortutako kalteak handiak izan dira. Lau lehergailu ipini dituzte, dorrearen oinarrian, eta erortzear badago ere, ez dute eraisterik lortu. Elektrizitate hornikuntza ere ez da eten. Herrizaingo Sailak esan duenez amonala erabili dute leherketan, lehergailu bakoitzean kilo erditik kilo batera bitartean. Lehergailuak ETAk udaran jarritakoen antzekoak direla zehaztu du Herrizaingo Sailak.