Ertzaintzak bi tona haxix aurkitu zituen igandean Irunen (Gipuzkoa) kamioi batean, eta 46 urteko gizonezko gidaria atxilotu egin zuen. Lasto artean zegoen ezkutatuta haxixa, eta bederatzi milioi euroko balioa dauka drogak, ertzainen arabera.
Iparralde etorbidean zegoen kamioia igandean aparkatua, eta ertzainei susmagarri egin zitzaien, hauek esan dutenez. Barruan ez zegoen inor, eta gidariaren zain geratu ziren. Hau -J.R.D.- hara heldu zenean, atzeman egin zuten. Ondoren aurkitu zuten droga, 64 paketetan gordeta.
Atzo epaileak deklarazioa hartu zion gizonezkoari, eta Martuteneko (Donostia) kartzelara sartu zuen hark.
Gizartea
Irunen kamioi batean bi tona haxix aurkitu ditu Ertzaintzak
Iruzkinak
Ez dago iruzkinik
Ordenatu
