Gizon baten gorpua topatu zuten atzo goizean Irungo San Miguel auzoan (Gipuzkoa). Kolpeka hil zuten zantzuak ditu, gertakarien lekuan bertan egindako azterketaren arabera; lesioak ditu, bereziki, aurpegian. Pertsona batek ala gehiagok eraso egin ziotela uste dute. Dena dela, autopsiak zehaztu behar du guztia.
Gorpua urruneko belardi batean topatu zuten atzoko goizeko zortziak aldera, Leka-Enea ikastetxearen eta gune hori Anaka auzoarekin lotzen duen bidearen artean.
Ertzaintzak hildakoa aurkitu zuten eremua itxi zuen, eta ikerketa zabaldu zuen gertatutakoa argitzeko; oraindik ez dago atxiloturik. Gorpua Auzitegi Medikuntzako Euskal Institutuan dago, identifikatzeko eta autopsia egiteko.